Urtheil
So mine Herren us gehörten
Kundtschaften verstanden, das er die Herin (Elsbeth Heer) genommen,
auch er bekanntlich mit iro um dry Gulden abkommen sin, ine der Ansprach
zu erlassen, da wol zu gedenken nit mit nüt iro gemachet haben,
welchs Erlassen aber inhalt der Satzung niemans Gwalt zu dem er sy
(wo er sy nit hett) zum Theil geschännt habent sich mit Herren
daruf zu Recht erkhännt, das er die Heerin, als die Erst zur
Ehe haben, in vierzechen Tagen mit ir z'Kilchen gan, un elich Versprechung
entwüschen im un der Meygerin nüt gelten, doch das er derselben
Meygerin 5 Gulden an iren Costen geben, ouch iro des Blumens und anderer
Beschwerden halb, ir Ansprach an ime vorbehalten sin, und derneben
dem Herren Landvogt gan Frawenfeld der Handel schriftlich überschickt
werden sölle, ob er in ze strafen vermeinte, des Handels ein
Bericht ze haben.
|